Popular Bible Verses from Santiago 1

Share

Shyryvyre pyvy'aĩpo opaĩ marãrãva pyarãã pyhasapeĩrã. Shara pikuaa kavi porãmba pyhasapeĩ pirojakueperã, ĩmevepopyre ñyhãrõkuaa.

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Piñyhãã katu hokava ñyhãrõkuaa pyndyraha verã hekope kavi'õpe; opakavi pẽĩvape hareka mbaimba pikotẽvẽheape.

Tẽvã pijapo ñee heiva rãĩmi, avypo pyhendupeverei, mahẽ piñymbytavykui.

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

Shara ñee hendupeverei'ia, japombava, hãĩny sypevape ijejeshava, haipe ijesha marãra'ẽ, tẽvã ohomarã sarejyhe marãra'ẽ hova.

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

Ĩme'ẽ pya hã'ãvarã avypo hei Tũpa pyahããshua; shara Tũpa katuã pyryrãã hai porãmbape, hareka hai mbavapeã pyahããshu. Kyrã rãnga, ĩme'ẽ pya hã'ãhãvarã ha'i potava raha hareka japokashu.

Ñandyryvy pavete'ia, jyroja katupo'ẽ ijehe mbaivasuve hai Tũpa hỹnonderã