Popular Bible Verses from Hebreos 11

Share

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava. Jyrojakue ĩmereare rupii ñanytynondevare ijetaha kavihe reta.

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Jyrojakue rupii jaikuaa Tũpa japomba kova yvy jerekue hai ĩñee rupii, japohashi opa maĩnungare katumba jaheshava.

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã. Abraham jyroja rupii, yvy mbe'uashuvape iko tenta yngaivi ouva rãĩmi hareka iko'i oo mymba pirekueivi japohava, Isaak iko rãĩmi, hareka Jacob handi, hai reta jyvacheĩ hipity jyve hokava ñee me'ẽãva.

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Enoc jyrojakue rupii rahaha ko yvy jerekueivi ndeiteri hasa ñymanorã, heshahãã shara Tũpa rahashu, tẽvã ndeiteri rahaarã, opaite kuaa reta hai mbyvyashuva Tũpa.

Jyrojakue rupii Abel meẽshu Tũpa mymba jukahava ryheva haikaviveshia Caín. Hãrã Tũpa ñonoshu Abel heko kaviva hareka Tũpa myvãhẽshu hai meẽva. Ajema Abel manoma, ijetateri jyrojakue rupii.

Jyrojakue rupii Abraham, ajemaĩ kuakuaama hareka hyreko Sara katuã memby, Tũpa meẽshu pyrãtãkue ĩmere verã pente memby, shara rojakatutẽ Tũpa hareka japoñoĩ verã ĩñee meẽva.

Shara Abraham jyroja katu mbai arape hesha verã hokava tenta ĩmereva jypy tanta'õ, Tũpa hai myha'ãngava hareka mupuã verã.

Jyrojakue rupii Moisés, sanjayveamarã, potaã he'iashu Faraón tajy memby. Hai potamba hasa'asy hãndi Tũpa ryhevare, mbai porãmbape vyatẽ verã vekua sapy'aite. Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre. Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

Abraham jyroja rupii, Tũpa pyahããshurã, meẽ tay Isaac penteĩrea hapya verã. Hai ĩmemare Tũpa ĩñee meẽva.

Jyrojakue rupii Rahab, heko kavimba vekua manoã hai ñee hendumbare hãndi, shara pyavapype myvãhe kavishu Israelitare ñemiãpe mondohavare.

Jyrojakue rupii kuaretare hasa reta yyvasu Pyntava yvy tini ovaipi rãĩmi, tẽvã egiptovare potatẽ hasava yy japyraharã opa mano reta.

Jyrojakue rupii opa oa tenta Jerico ñymangorapy vekua, siete arakavima jerehe retarã.

Moisés jyrojaiterã õñepyrõ mby'arete Pascua hareka kytykahe onchere avisha huvykuepy, potamba Tũpa jokueva puruka ouva pokohe verã Israelitare tayre tynondeva.

José jyroja rupii, manomapotarã mbeushu israelitare õhẽ verã Egiptoivi mbaimba jochavape hareka mbeukavishu marãrapore reta kãvẽkue.

Jyrojakue rupii Jacob, manoserimarã, ohovasashu pepenteĩ José tayre hareka õmombaishu Tũpa jy'yvyrare ñyrãtaĩ'iape.

Isaac jyrojakue rupii ĩñee meẽshu tayre Jacob hareka Esau, mbai kavikue hỹnonderã pevarã.