Popular Bible Verses from Efesios 6

Share

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Piñymondepy opaite ñyrãrõpe ijochapya Tũpa meẽpeva pirãrõpy verã, Ãña oupo pyndypyarãã, kyrãrãpo pee tantangãtu pẽĩ.

Hãma, piñymonde kavipy opaite ñyrãrõpe mondeava Tũpa meẽpeva, pijepyhe verã hareka vãhẽma pee ara mbai porãmba Ãña ñonopeva, haivi opama pyhasa mbai porãmbavarã, pee pypyrããtapo pẽĩ.

Opa kova ĩãrẽ, pirojakue Tũpare pindijochashi ijochahasepya rãĩmi mbove verã heta hendyva ãña ñyvãka. Pyrỹmondo jepeva Tũpa ryheva tijocha pãka tãka jochahasepya rãĩmi hareka pypysy Tũpa ĩñee kyse pukuva rãĩmi Espiritu meẽpeva.

Symyĩ katu pẽĩ, japumbape piko tukua jokuahapya añeteva, hareka pijocha pitia ijojahasepya tykove kavipe. Pẽĩ kavi piñimĩñee verã Tũpa Ñee Kaviva pya vapy ryheva rehe, ko syndaro ẽẽ kaviva rãĩmi mondema ipy ryhevarã.

Piñymypyrãta katu Ñandeja ñymbaikatukuepy, symyĩgãtu pẽĩ verã ãña ouma pypeñã verãrã japukuepe.

Ñee japoa verã hareka ñee me'ẽãva ryhevape hei: “Japoshu nderu hareka ndesy heindeva, ryvya hareka riko puku verã ko yvy'ĩãrẽ”.

Shyrayre, pyhẽndu hareka pijaposhu perure heipeva, shara kova hai hekope kavi jaikorã.