Popular Bible Verses from 2 Pedro 2

Share

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare. Hai rehe iko añeteva ñee heiva: Ñaumba houjy ñyvẽ'ẽkue, kushi opa mbijahuarã oho japajerejy tujupy.

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.