Popular Bible Verses from 1 Tesalonicenses 5

Share

Pyvyañoĩpo. Opa ara pirure. Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã. Ko pynyrẽnova rãnga hai jyrojahahea, hãrã kova mbai hekope kavipo opa japo.

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

Shara Tũpa ñanyrẽnoã ity ñaneãrẽ verã ñunũpa vasu, koñeĩ jahajepe verãĩ Teja Jesucristo rupii.

Opaiteva rãnga pee mbai sapeka hareka ara kõĩvapeva. Ha'eã ñande pỹntu hareka timimbiape'õ