Popular Bible Verses from 1 Corintios 15

Share

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

Tẽvã ñamee ñandy'ajete Tũpape, meẽ ñande pyrãtakue jajepyhe verã ñymanokue, Ñandeja Jesucristo pyrãta rupii.

Avy piñymbytavyka: “Ñañimi'ĩrũheare heko porãmbare, opa myporãã ñandyhevi mbai haikaviva jajypykuava rãĩmi”.

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Nde ñymanokue, mapera'ẽ nupu'ũcha? Nde ñymanokue, mapera'ẽ nypyrãtãkue? Ñymano pu'ũchakue rãnga hai mbai porãmba vekua, hareka mbai porãmba pyrãtakue hai, ñee mbyparahava.

Tẽvã aipota pikuaa kova Tũpa ñemiãpereva: Opaitevããpo ñamano, tẽvã opaitevapo ñandyrete ñymy yngaikui. Sapy'ãĩ, ñasapỹvyĩrã hareka jasarekojyva rãĩmipo, mimby koñemahea mbi'ipuamarã. Shara mbi'ipuhapo mimby, hãrã mano vekuare opapo kuerajy, manoveãma verãre. Hareka ñande ñandyrete opapo ñymy yngaikui.

Shara ñymano icheva rãĩmi pente kuimbai rupii, kyrã pente kuimbai rupii iche jyve manova kuerajyva. Adán rupii opava kuaretare mano, kyrã jyve Cristo rupii opavare kuerajypo.

Shara kova ñandyrete ñymbaireiiva tekotẽvẽ ñymondepy pente tyrete ñymbaimba verã, hareka kova ñandyrete mano verã, tekotẽvẽ ñymondepy tyrete manoveãma verãpy.

Shara Cristo mburuvisha vasurãñoĩpo'ẽ opa ñonopeve ipy ipe hyvaishorãreare. Tyvaisho koñemahea õhũndi verã hai, ñymano.