Popular Bible Verses from Efesus 6

Share

Kapaꞌamo intaodiomu miina dapoewangi bhe mbadha tiwohaꞌano, tamaka doewangi sabhaha rohi modai kokuasano te antara. Doewangiomu dua mintahano kuasa, neangkando seetani bhe kuasa mohohondo te dhunia ini; andoa ini saneamo kumuasaino dhamani modai ini.

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Fokanaomu sabhaha katokano ewanga newaꞌaono Lahataꞌala, so naotangkaꞌao ehemiu poewangiꞌaoꞌomu bhe akala ngkowawe maiꞌao ne Kafeompuꞌando seetani.

Dadiꞌanomo fokanaeꞌomu sabhaha katokano ewanga newaꞌaono Lahataꞌala, neanomo nahumato oleo modai naꞌa mooli poewangiomu. Neanomo dua sampe namalusi popahisaꞌa, hintimiu sadaa-daa naotangka koehemiu.

Weo ehe mengkohamiu sadhia pakeomu kaparasaeamiu ne Ompu so bentengikoomu, kanggetu ani bentengino mbadhamiu. Kapaꞌamo kaparasaeamiu namondoiꞌe nameoni sabhaha pana koefi maiꞌaono ne Kafeompuꞌando seetani. Tahimaeꞌomu kasalamati neꞌawamiu ne Lahataꞌala, maka fokanaeꞌomu kanggetumo songkono tantara bentengino fotumiu. Tahimaeꞌomu dua Bhoasaono Lahataꞌala, kanggetumo kampuemiu maiꞌaono ne Rohino Lahataꞌala.

Fekatangkae kofindamiu, sadhia habuomu banaraꞌano, somo mekamatangkakoomu kanggetu kawawe ne aamiu. Pakeomu podiu kaꞌadhili, somo bentengino mbadhamiu, kanggetu bhadhu uti. Naohelasi totono lalomiu mefolele Bhihita Metaa meowano katohopo, sadhia pakeeꞌomu kanggetu kausu motangka ne aꞌemiu.

Panda-pandano, fekamatangkaomu wutomiu weo Ompu, mealaomu kaꞌosa ne kuasano Lahataꞌala.

“Fosibhalae inamu bhe amamu,” aini o pahintano Lahataꞌala kabhao-bhaono nepoangkafiꞌaono bhe dhandino peda aini, “So naetaaꞌao namisimu bhe naewantaꞌao dadimu te dhunia.”

Hintimiu anaꞌi, meangkaomu ne kamungkulamiu, kapaꞌamo aituꞌaemo mantasiꞌano so mie marasaeano ne Kristus.