Popular Bible Verses from Roma 8

Share

Leka timanya kukita kwa wala wakungana Mulungu fyoha fihengelana pamonga kwa kinofu, kwa wala wakukemeleka kwa ndingo wa malango gake.

Pakuya nimanyila ngani, kukita haka kifwa, haka kulama, haka wamalaika, haka wene chengo, haka findu fya apa, haka findu fiyii mu kuyicha, haka makakala, haka pakukweseka munani, haka kina kyakugenda kusi, haka kyakupangika kiyi kyoha, yakihotole lepe kutipatula pa kiganano kyake Mulungu, kila kiyii pa Kristo Yesu Bambo witu.

Leka wiwila Roho kawili atwikila ulegelefu witu: pakuya timanya lepa kusali umu ngatilinganili; koma Roho mwene apembesa pa mihalo ya tenga ni mawuwulo gangalongaleka

Kiki mumu yatijowe pa findu ifi? Wona Mulungu atiyimalila, nani atipindika?

Mumu hino kwa waka kupisika uwifu kwa wala wayii mwa Kristo Yesu.

Pakuya maholo ga nyama gayii kifwa; koma maholo ga roho gayii wumi ni kindamba

Koma pa ifi fyoha tihotwili kulutalila, pa yula akatiganiti.

Pakuya niwalanga kukita mahumbuso ga lukumbi ulu nukuhotoleka kuhwanasika ni kukwisika kula yakufunukulike pa tenga.

Nani yatipatule pa kiganano kyake Kristo? ati lihumbuso, pangi lifinyikiso, pangi kuhyunga, pangi njala, pangi utupu, pangi ulugu, pangi upanga?

leka yula ayifumbula mioyo amanya maholo ga Roho, ndawa apembesa pa mihalo ya wawalafu kwa ndingo wa Mulungu.

Pakuya woha awa walongoseka nu Roho wa Mulungu, wayii wana wa Mulungu.

Pakuya wala kwa ndingo wa nyama waholalela findu fya nyama: koma wala kwa ndingo wa roho findu fya roho.

Uyu nuyombe akannotiti lepa Mwana mundu mwene, koma akamfumbukisi pa mihalo ya tenga tawoha, wuli nukutipela fya neema fyoha pamonga nako?

Roho mwene alasa ulungamakiso pamonga na roho witu, kukita tiyii wana wa Mulungu: ni wona wana, wakuyingila lipwela kawili; wakuyingila lipwela lyake Mulungu, ni wakuyingila lipwela pamonga ni Kristo; wona tiyfuwana mahumbuso pamonga nuyombe, nausi tikwisike pamonga nuyombe.

ndawa maholo ga nyama gayii mitumba nu Mulungu; pakuya nukuwikika lepa pasi pa torah ya Mulungu, haka kuhotola nakuhotoleka lepa

Pakuya kwilindakisa kwa mapangiko kugalindalila mafunukuliko ga wana wa Mulungu.

Ndawa timanya kukita mapangiko goha gawuwula ni kwinionganionga pamonga mpaka hino.