Popular Bible Verses from रोमानियनमन 14

Share

काले कि परमेश्‍वर केर राइज में खाएक आउर पियेक खास ना लगे, मगर परमेश्‍वर केर देखेक में धरमी बनेक, आउर मेल-मिलाप आउर उ खुशी जे पवितर आत्मा से मिलेला, ओहे खास हेके। जे केऊ इ नियर मसीह केर सेवा करेला, परमेश्‍वर उकर से खुश होवेला, आउर दोसर आदमीमन इके पसिंद करैना।

अगर हमरे जिंदा अही तो प्रभु केर लगिन जिंदा अही, आउर अगर मोरिला तो प्रभु केर लगिन मोरिला, से हमरे जियब चाहे मोरब हमरे प्रभुवे केर हेकी।

इ लगिन हमरे के उ गोइठमन में मन लगाएक अहे, जेकर से मेल-मिलाप आउर एक दोसर केर सुधार होवी।

से लगिन अब से आगे हमरे एक दोसर उपरे दोष नी लगाब, मगर तोहरेमन इ ठाइन लेवा कि दोसर बिसवासी के पाप करवाएक वाला नी बनब।

काले कि पवितर किताब में लिखल अहे कि प्रभु कहेला, “मोंय खुद अपन जिंदगी केर किरिया खावना, हरेक झन मोर सामने ठेहुना टेकबैं, आउर हरेक झन अपन मुँह से परमेश्‍वर के माइन लेबैं।” तो फिन, हमर में से हरेक झन के अपन-अपन काम केर हिसाब परमेश्‍वर के देवेक होवी।

जे बिसवास में कमजोर अहे, उके अपन संगति में लेई लेवा, मगर खाएक पियेक केर चीज उपरे उकर से बक-झक ना करा कि उके का खाएक चाही आउर का नी खाएक चाही।

तोंय केहर हेकिस जे दोसर केर सेवक उपरे दोष लगाइसला? उ आदमी परमेश्‍वर केर सेवक हेके। उकर जितेक या हारेक उकर मालिक उपरे हें टिकल अहे, बल्कि उ जीतये जाई, काले कि प्रभु उके जितवाएक पारेला।