हे तीमुथियुस, मोंय चाहोना कि तोंय इके जाइन ले, यीशु मसीह केर घूइर आवेक से पहिले आखरी दिनमन में कठिन समय आवी। काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं, दोसरमन उपरे दया नी करबैं, दोसरमन के क्षमा नी करबैं, अपन इच्छामन के काबू करेक नी पारबैं, कठोर मन वाला होबैं, आउर बेस गोइठमन से घिरना करबैं। जेमन, उमन उपरे भरसा करैना ओहोमन के इनकार काइर देबैं, लापरवाह होबैं, खुद के दोसरमन से बेस सोचबैं, आउर उमन परमेश्वर के निहीं, बल्कि भोग बिलास केर हें खोजार करबैं। उमन खुद एइसन देखाबैं जइसन कि परमेश्वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।