Popular Bible Verses from 2 थिस्सलुनीकियनमन 2

Share

प्रभु केर आवेक केर बारे में इ सोउब गलत गोइठमन में बिसवास ना करा, जेकर बारे में आदमीमन तोहरेमन के बताथैं। काले कि प्रभु यीशु केर घूइर आवेक से पहिले एइसन समय आवी कि ढेइर आदमीमन परमेश्‍वर केर बिरोध में हुड़दंग मचाबैं, आउर अधरमी आदमी मतलब बिनाश केर बेटा हों दिस्तार होवी।

हे प्रभु केर दुलारा भाईमन, इ उचित अहे कि हमरे लगातार तोहर लगिन परमेश्‍वर के धन्यबाद देवब। काले कि उ दुनिया केर सिरजन से पहिले तोहरे के चुइन लेई हे ताकि तोहरे के बचाएक पारोक। उ पवितर आत्मा केर काममन से जे तोहरे के शुद्ध करेला, आउर यीशु मसीह केर बारे में सच्चा संदेश उपरे तोहर बिसवास करेक केर चलते तोहरे के बचायला।

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

हमरे हमर प्रभु यीशु मसीह से आउर हमर आबा परमेश्‍वर से प्रार्थना करिला, जे हमरे से प्रेम करेला, आउर अपन किरपा से जुग-जुग केर शांति आउर सोउब से बेस आसरा देई हे। उ तोहरे केर मन में साहस देवोक आउर जे बेस काम हेके उके लगातार करते रहेक लगिन तोहरेमन के बचन में मजबूत करोक।

आउर इकरे चलते परमेश्‍वर उमन केर माझे एगो एइसन भटकाय देवेक वाला शक्ति के भेजी कि उमन झूठ उपरे हें बिसवास करबैं।

उ अधरमी मरद ठिना शैतान केर शक्ति होवी, उ सोउब रकम केर झूठा चमत्कार, चिन्हा आउर अदभुत काम करी जेकर से आदमीमन सोचेक लगबैं कि इ काम परमेश्‍वर कराथे। उ सोउब रकम केर बुराई काम करी आउर उमन के धोखा देवी, जेमन परमेश्‍वर बटले नाश करल जबैं। उमन सच्चाई उपरे बिसवास करेक से इनकार करैना जे उमन के बचाएक पारेला।

अधरम केर भेद तो एखन हों काम करते जाथे, मगर एखन एगो रोकेक वाला अहे, आउर जब तक उ दूर नी होई जाई, उ रोकल रही।