Popular Bible Verses from 2 कुरिनथियनमन 4

Share

से लगिन हमरे उ मुसीबतमन उपरे धेयान नी देवीला, जेके हमरे एखन देखाथी, बल्कि हमरे उ चीजमन उपरे धेयान देवाथी, जेके एखन तक हमरे नी देइख ही, काले कि उ मुसीबतमन जेके हमरे देखाथी, तुरते मेइट जाई, मगर जे खुशी मिलेक वाला अहे, उ जुग-जुग लगिन रही।

इ लगिन हमरे हिम्मत नी हारिला, जबकि हमरे केर काया धीरे-धीरे मोइर जायला, फिन भी हमरे केर आत्मा रोज दिन नवाँ होते जायला। काले कि हमरे केर इ बेरा केर मुसीबतमन थोरहें अहे आउर बगरा दिन तक नी रही। काले कि उ मुसीबतमन केर बदली में जुग-जुग केर महिमा मिली, जे हमरे केर सोचेक से कहीं बाइढ़ के अहे।

हमरे सोउब बटले दुःख भोगिला, मगर संकट में नी पड़िला, हमरे के कोनों उपाय नी सुझेला, मगर निराश नी होविला। हमरे के आदमीमन सतायना, मगर परमेश्‍वर हमरे के नी छोड़ेला, माइर के गिराय तो देवैना, मगर परमेश्‍वर नाश होवेक से बचाय लेवेला।

अब हमरे ठिना इ चमकेक वाला दीया हमर हिरदय में अहे, मगर हमरे खुद एगो फुटेक वाला माटी केर बासन नियर अही, जहाँ इ बड़का धन रखल अहे, इ अनइत शक्ति हमरे बटले निहीं बल्कि परमेश्‍वर बटले हेके।

आउर उ अबिसवासीमन नी बुझैना, जे मनक बुद्धि के इ दुनिया केर ईश्‍वर शैतान अंधरा काइर देई हे, ताकि उमन मसीह केर महिमा केर बारे में आवेक वाला शुभ समाचार केर इंजोत के देखेक नी पारबैं, जे परमेश्‍वर कइसन अहे इके देखायला।

इ लगिन कि परमेश्‍वर कहलक, “अंधार में से इंजोत चमकोक,” आउर ओहे परमेश्‍वर हमरे के हमर हिरदय में दीया नियर समझ के देलक, ताकि हमरे परमेश्‍वर केर महिमा के देखेक पारली, जे यीशु मसीह में दिसेला।