Popular Bible Verses from 1 तीमुथियुस 6

Share

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

मगर हमरे अपन जिंदगी के परमेश्‍वर के खुश करेक नियर जियिला आउर जे कोनों हमरे ठिना अहे उकरे में संतोष करिला।

काले कि जब हमरे जनम लेली तब दुनिया में कोनों लाइन के नी आली, आउर ना मोरेक बेरा कोनों लेई के जाएक पारब।

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

उमन के बेस काम करेक लगिन कह, आउर ढेइर बगरा भलाई करेक लगिन, आउर दयालु बनेक लगिन कह, आउर दोसर आदमीमन के जे कोनों बेस चीजमन केर जरुरत अहे, उ चीजमन के देवेक लगिन तेयार रहोक। एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।