Popular Bible Verses from 1थिस्सलुनीकियनमन 5

Share

सोउब बेरा खुशी से रहा। सोउब बेरा प्रार्थना करेक में लगल रहा। हरेक स्थिति में परमेश्‍वर के धन्यबाद देवा काले कि तोहर लगिन मसीह यीशु में परमेश्‍वर केर एहे इच्छा अहे।

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक। इ लगिन कि उ तोहरे के पवितर बनेक ले बोलायला, तो उ तोहरे के पवितर बनेक लायक हों बनाई।

इ धेयान रहोक कि केकरो से बुराई केर बदला बुराई ना करा, मगर सोउब बेरा भलाई करेक ले तेयार रहा, आपस में आउर सोउब से हों भलाई केर हें कोशिश करा।

इ लगिन एक दोसर के दिलासा देवा, आउर परमेश्‍वर उपरे आउर बगरा बिसवास करेक लगिन एक दोसर केर मदइत करा जइसन कि तोहरे कारबो कराला।

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

परमेश्‍वर हमरे के इ लगिन नी चुइन हे कि अपन खीस में हमरे के दंड देवी, मगर हमरे अपन प्रभु यीशु मसीह बटले छुटकारा पावेक लगिन चुनल जाय ही।

काले कि तोहरेमन सोउब दीया केर आउर दिन केर संतान हेका जे इंजोत हेके, हमरे ना राइत केर आउर ना अंधार केर संतान हेकी।