Popular Bible Verses from 1 कुरिनथियनमन 15

Share

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

मगर परमेश्‍वर केर धन्यबाद होवोक, काले कि हमर प्रभु यीशु मसीह केर उ काम केर चलते, जेके उ हमर लगिन काइर हे, हमरे के मोरेक से डराएक केर जरुरत नखे, काले कि उ हमरे केर पाप के उठाय लेलक।

जे केऊ एइसन कहैना उमन से धोखा ना खावा, “बुरा संगति अच्छा चरितर के बिगड़ाय देवेला।”

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

हे माउत तोर जीत अब कहाँ अहे? हे माउत तोर बिष अब कहाँ अहे?” माउत केर बिष पाप हेके, आउर पाप केर शक्ति मूसा केर नियम हेके।

इ सच्चा भेद केर गोइठ के सुना, हमरे सोउब नी मोरब, मगर जब आखरी तुरही बाजेक केर आवाज सुनाई देई, तब हमरे सोउब तुरते आँइख मिटकाते हें बदइल जाब। काले कि तुरही बाजेक केर आवाज सुनाई देई आउर मोरलमन जी उठबैं, आउर कहियो नी मोरबैं, आउर हमरे सोउब बदइल जाब।

काले कि जब एक आदमी आदम केर पाप केर चलते माउत आलक, आउर सोउब आदमीमन मोरैना, तो एहे नियर एक आदमी मसीह केर काममन केर चलते मोरलमन केर जी उठेक हों आलक, एक दिन सोउब मोरल आदमीमन फिन से जी उठबैं।

काले कि हमरे केर इ काया आसानी से मोइर जायला आउर साइड़ जायला, सेले इके उ काया में बदइल जाएक जरुरी अहे, जे कहियो नी मोरेला आउर ना सड़ेला।

काले कि जब तक परमेश्‍वर अपन बैरीमन के पूरा-पुरी हरुवाय नी देवी, तब तक मसीह के राइज करेक जरुरी अहे। सोउब से आखरी बैरी जे सत्यानाश करल जाई उ माउत हेके।