Popular Bible Verses from Ebhikorwa bhya Abhatumwa 13

Share

Bhunu ꞉bhaariga mbaramya Raatabhugenyi enu bheeyimire ebhyokurya, niwe Mwoyo Omutaakatiifu ˆnaabhabhwira ati, “Munsorere Bharinaabha na Saawuri bhabhe ku-mirimu ginu nibhabhirikiriiye.” Mmbe, bhunu ꞉bhaamarire okusaasaama Nyamuwanga na okwiyima ebhyokurya, mbatuura amabhoko geebhwe ku-Bharinaabha na Saawuri, mbabhatuma bhagende.

Na okuturira ku-mwene uyo, omuunu woonewoone akamwikirisha kaabhirwa ebhikayo bhyone kutyo. Riingʼana riyo ritakaturikeene okuriingʼaana na ebhiraagiro bhya Musa.

Nikwo kutyo Raatabhugenyi Nyamuwanga ꞉aakibhwiriiye, ‘Nikutuuye ubhe obhweru bhwa abhaanu bha ebhyaro ebhindi, insonga ubhareetere obhwerusha okuyikira ku-bhuteero bhwa ekyaro.’”