Popular Bible Verses from TITUS 3

Share

Ahi zongin eite hong Honpa ahi Pasian’ itna le a migitna thu hong kilat ciangin, amah in eite hong honkhia hi. Eite in na hoih i sepzawhna hangin hong honkhia hi loin eite tungah suahtakna le nuntakna thak a hong pia Kha Siangtho in hong sawpsiangna hangin a hong hehpihna tawh a hong honkhia ahi hi. Pasian in eite hong Hon Jesuh Khrih hangin eite tungah a kicing takin Kha Siangtho hong pia ahih manin, ama hong hehpihna hangin Pasian tawh kilemin i lamet nuntak tawntungna a ngah thei ihi hi.

Na mite in hong uk kumpite le aana neite’ thu mangin, thuhoih khempeuh a sem dingin a kigingsa-in a om ding uh phawksak inla, kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Ahi zongin a haihuai thu kiselna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.

Kitot, kikhen nading a piangsak mite pen khatvei nihvei bang na hilh khit ciangin kisukha nawn vet kei in.