Popular Bible Verses from MAANGMUHNA 3

Share

Kongkhakah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Note’ gamtatnate ka thei a, vot lah vot vet lo, sa lah sa vet loin na omna uh zong ka thei hi. A vot na hih kei uhleh a sa hi vet le-uhcin ka ut hi. Ahi zongin note pen vot lah vot vet lo, sa lah sa vet loin a laklawhin om na hih manun ka kam sung panin ka hong siakhia ding hi.

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Note’ nasepnate ka thei hi. Na tha uh a hat loh hangin ka thu zui-in kei tungah na hong cihtakna uh ka thei hi. Tua ahih manin kuamah in a khak zawh loh ding kong, note’ mai-ah honsa-in ka koih hi.

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

Keimah ka hong pai baih ding hi. Kuamah in, na ngah ding uh gualzawhna lukhu hong tuhkhak loh nadingun na neihsate uh hoihtakin na lenkip un.

Tua ahih manin khua phawk unla, na neihlai sunte uh a beimang ma-in thasanpha kik un. Bang hang hiam cih leh na nasepnate uh Pasian’ muhna-ah a cingtaak nai het lo ahihna thu ka thei hi.