Popular Bible Verses from MAANGMUHNA 12

Share

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Tua ciangin vantungah nakpitakin awging khat ka za a, “Tu-in Pasian in hong honkhia khinta a, kumpi vangliatna a neihna hong lakkhia khinta a, ama Khrih in aana a neihna thu lakkhia khinta hi. Bang hang hiam cih leh a sun a zanin eite’ Pasian’ mai-ah dingin i sanggamte mawhsakna a gen tawntungpa, tu-in vantung panin kilawnkhia khinta hi.

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Tua ahih manin vantungte le tuate sungah a teng mi khempeuh aw, lungdam un! Ahi zongin vantung panin Dawimangpa hong kilawnkhia suk a, hun tomno bek a neilai ahihlam thei ahih manin leitung le tui tungah a omte a dingin lauhuai mahmah ding hi,” hong ci hi.

Tu-in vantungah galkidona hong om a, Mikhael le a vantung mite in gulpi le a vantung mite a do uh hi.

Tua ciangin tua numei tungah gulpi heh mahmah a, tua numei’ suanlekhak dangte ahi, Pasian’ thupiakna zui-in, Jesuh thu-ah kiptakin a om mite a sim dingin kuankhia a

Tua ciangin vanah lim lamdang lian khat hong kilang hi. Puan silh bangin ni silhin, a khe nuai-ah kha omin, aksi sawm le nih a kisuanna lukhu, a lu tungah a khu numei khat om hi. Tua numei naupaii hi a, nausuah natna tungta ahih manin na sa-in a kiko hi.

Tua ciangin tua numei in leitung minam khempeuh sik ciangkhut tawh a uk ding ta pasal khat hong nei hi. Ahi zongin tua naungek pen thakhatin kilakhia-in Pasian a tutna a tokhomah a kipaipih hi. A numei pen Pasian in ama a dingin a bawl kholhsakna mun gamlakah tai a, tua munah ni tulkhat zanih sawmguk sung kikhoi ding hi.

Tua ciangin lim lamdang adang khat mah vanah hong kilang leuleu hi. Gulpi san a lian mahmah khat om a, lutang sagih le ki sawm nei a, a lutang sagihte-ah lukhu mah nei ciat hi. A mei tawh vanah a om aksi sehsawmsuah sehkhat vatkhia-in leilak a denna hi. A nau a suah phetin a ne pah dingin nausuak dingin a kithawi tua numei’ mai-ah a ding hi.

Ahi zongin tua gulpi in a sukkhak theih loh nadingin kum thum le alang sung gamlakah a kikep nading munah a leentheih nadingin muvanlai gol mahmahte’ kha tawh a kibang kha nih tua numei a kiguan’ hi. Gulpi in zong tuikhang tawh tua numei a taihsak theih nadingin a kam panin gunpi luang bangin tua numei’ nungah tui a luangsak hi. Ahi zongin leitung in tua numei na huh a, gulpi kam panin a luang tuite a kam tawh na hupkang hi.