Popular Bible Verses from Late 119

Share

Nangma thu pen lam hong lak ding meivak hi a, ka paina lampi-ah khuavak ahi hi.

Nangma tungah kong khialh loh nadingin ka lungsim sungah nangma thu ka khol hi.

Tangval khat in ama gamtatna a siangtho mahmah dingin bangci kep ding ahi hiam? Nangma thu zuihna tawh ama gamtatna siangthosak thei ding hi.

Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Nang pen keima bukna mun le kei hong hupa na hi hi. Na thuciamna ka muang hi.

Nangma thute kemin ka lungsim khempeuh tawh ka zuih theih nadingin thu theihtelna hong pia in.

Nangma thuhilhnate’ lamah ka lungsim awnsak inla, ngahna ding bekah awnsak kei in.

Nangma ngeina kipte ka sin theih nadingin gimna ka thuak pen kei a dingin hoih mahmah hi.

Hih pen ka thuakna-ah keima kihehnepna hi a, na thuciamna in kei tungah nuntakna hong pia hi.

Nangma thupiakna lampi-ah kei hong paipih in. Bang hang hiam cih leh tua-ah nuam ka sa hi.

TOPA aw, na ngeina kipte kei hong hilh in. A mong dongin ka zui ding hi.

Dahna in kei hong vukcip hi. Nangma thu omsa bangin kei hong thakhauhsak in.

Na thu deih mahmah ing. Sun tawntungin ka lungngaihngaih ahi hi.