Mite’ hong bawlsiatna
thuk ding ngaihsun kei inla,
TOPA’ hong huh ding ngakzaw in.

TOPA in mite’ gamtatna zia ding uk hi.
Koici gamtat ding cih mihing in
bangci theih ding ahi hiam?

TOPA in mihing lungsim
meivak bangin zang a,
i sungtawng dongin hong mu tel hi.

Mihingte’ ngaihsutna pen
a thuk sunga om tui tawh kibang a,
thuthuk mu theite bek in
suahkhia thei hi.

Mi a gensia kawikawite in
thu im thei lo hi.
Tua banga mi haipaute tawh
kikhawl kei in.

Kitot khak ding pelhna in
pahtak ngahna hi a,
mihaite bek kitot ding ut uh hi.

Mi khat thumanin a hoihin a nuntak leh
ama suanlekhakte mi hampha ahi uh hi.

Popular Bible Verses from PAUNAK 20

Free Reading Plans and Devotionals related to PAUNAK 20