Popular Bible Verses from FILIPPI 4

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Mihingte in a theihtel zawh loh Pasian’ hong piak lungsim nopna in, Khrih Jesuh tawh na kipawlna uh hangin note hong lungnuamsak ding hi.

Sanggamte aw, a tawpna-ah ka hong gennop thu in, a hoih le a phattaak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai, le a pahtakhuai thute ahi hi.

Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Topa sungah lungdam tawntung un, ka hong cihsa bangin tu-in zong lungdam un, ka hong ci kik hi.

A na ka sep i Topa Pasian in ama hauhna tawh kizui-in Khrih Jesuh hangin note’ kitangsapna khempeuh hong pia ding hi.

Keima genna le ka gamtatna panin thei-in na san uh thute, nomau pumpi mahmah tawh na zui un. Tua hileh nopsakna a hong piathei Pasian in note hong ompih ding hi.

Mi khempeuh tungah na dik un. Topa hong pai baih ta ding hi.

Cihmawhna le cihtheihna a sinsa ka hi hi. Tua ahih manin ka hau a ka zawng zongin, ka vah a ka kial zongin, koi mun koi mun hitaleh ah a lungkimthei dingin a kisinsa ka hi hi.

Bangbangin om taleng a lungkim thei dingin a kisinsa ka hih manin hih bang ka hong gen ciangin ka kitangsapna a hong pulak nuam ka hi kei hi.