Popular Bible Verses from FILIPPI 2

Share

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un. Note’ phattuam nading bek ngaihsun kei unla, midangte’ phattuam nading ngaihsutsak zaw un.

Note in Jesuh Khrih lungsim puakzia na nei un. Tua lungsim puak zia in

Jesuh Khrih in Pasian’ pianzia nei napi-in, Pasian tawh a kizakim theihna dingin thatanghat thu a suang kei hi. Amah kiniamkhiat tawm zaw a, nasem lim a hong puazaw hi. Mihing bangin amah hong kibawl a, mihing teekteek mah a hong sun hi. Amah hong kiniamkhiat tawm a, singlamteh tung nangawnah sih ding a ut hi.

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

Hih thu hangin Pasian in a lianpenin amah koih a, min lian dang khempeuh sangin a min lianzaw-in a koih hi. Tua ahih manin vantung, leitung, leinuai-a om mi khempeuh in Jesuh pahtawi-in khukdin ding uh a, Jesuh Khrih in Topa ahi hi, ci-in taangko-in Pa Pasian a min thangsak ding uh hi.

Na khempeuh phun lo, thu nial loin sem un. Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.