Popular Bible Verses from GAMLAK VAKNA 22

Share

Tua ciangin TOPA inla pau theisak a, la in Balaam kiangah, “Thumvei dong nong sat nadingin nang bang hong cih ka hi hiam?” a ci hi.

Tua ciangin TOPA in Balaam’ mitte honsak a, a khut sungah namsau dawhsa tawh TOPA’ vantungmi lampi-ah a ding mu ahih manin a lu kunin a boksuk hi.

TOPA’ vantungmi in ama kiangah, “Bang hangin na la thumvei dong sat na hi hiam? En in, hih na khualzinna-ah lungkim lo ka hih manin nang hong pang dingin kong kuankhia hi.

La in Balaam’ kiangah, “Na khantawnin tuni ciang dong na tuanna na la hi lo ka hi hiam? Hih bangin nang hong hih ngei ka hi hiam?” a ci hi. Amah in, “Nong hih ngei kei hi,” a ci hi.

Balaam in a la kiangah, “Nang in kei nong mawlpihna hang ahi hi. Ka khutah namsau a tawi hi leng ka ut hi. Tua hileh nang kong that khin ding hi,” a ci hi.

La in TOPA’ vantungmi a muh ciangin Balaam’ nuai-ah lumsuk hi. Balaam heh mahmah a, a ciangkhut tawh a la a sat hi.