Popular Bible Verses from GAMLAK VAKNA 14

Share

TOPA phunsan kei hamtang un. Amaute pen zialmang pak ding ihih manin tua gam mite kihta kei un. Amau’ kiang panin amau’ kidalna kilakhia khin a, eite tawh TOPA hong om hi; amaute kihta kei un,” a ci uh hi.

Tu-in, nang tungah hong thum ing. Nangmah in thu ciamin, ‘TOPA heh hak a, a itna kip lianin, mawhna le thu palsatna maisak a, ahih hangin a mawhte siangsak ngei loin, pate’ mawhna tate tungah, khang thum khang lina dongin thuk hi,’ na cih mah bangin TOPA’ vangliatna liansak in.

Eite’ tungah TOPA a lungkim leh, bawngnawi le khuaizu tui bangin a luanna hih leitangah eite hong paipihin eite tungah tua leitang hong pia ding hi.

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitangah ka tunpih ding a, ama suanlekhakte in tua leitang luah ding uh hi.

Amaute tungah hih bangin gen in: TOPA in, ‘Kei a nungta ka hih mah bangin ka zakna-ah na gente uh no tungah ka hong hih ding hi.

TOPA in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Israel mite khempeuh in Moses le Aaron phunsan uh a, mihon buppi in amaute tungah, “Egypt gamah a si khin hizaw hoh le-ung! Tua ahih kei leh zong hih gamlakah a si khin hizaw hoh le-ung!

Gam vaante’ lakah a kihel Nun’ tapa Joshua le Jefunneh’ tapa Kaleb-te in a puan uh balkekin, Israel mihonte khempeuh tungah, “A vaan dingin kote ka va painasa uh leitang a hoih mahmah ahi hi.

Ahih hangin a taktakin, ka nuntak laiteng, TOPA’ minthanna tawh leitung kidim ding ahih mah bangin, Egypt le gamlakah ka hihsa ka vangliatna le ka limte mu khin napi-in sawmvei kei hong ze-etin keima aw a ngai lo mite, amau’ pate tungah piak dinga ka kiciam leitang a mu kuamah om lo ding uh hi. Kei hong simmawh mi kuamah in tua leitang mu lo ding hi.