Popular Bible Verses from MARKA 14

Share

“Pa aw, na khempeuh na hihthei hi. Hih ka thuak ding gimna tawh hong kipelhsak in. Ahi zongin kei’ deihna bang hi loin nangma deihna bang hizaw hen,” a ci hi.

Tua ciangin amaute kiangah, “Ze-etna-ah na pukkhak loh nadingun pilvangin thu ngen un. Lungsim in ze-etna nangnuam napi, pumpi in nang zo lo hi,” a ci hi.

Hih thu limtakin phawk un! Lungdamna thu a kihilhna leitung mun khempeuhah hihnu’ thu kiphawkin kei tungah hong sepnate kigengen ding hi,” a ci hi.

Amah in, “Ka lungsim dahna lianlua mahmah ahih manin ka si dektak hi. Hih lai-ah om unla na ngak un,” a ci hi.

Tua bangin an a nek laitakun Jesuh in anlum la-in lungdamna a kohkhit ciangin balnenin a nungzuite tungah pia a, “Ne un; hih pen keima pumpi ahi hi,” a ci hi.

Tua ciangin hai la a, lungdamna a kohkhit ciangin a nungzuite tungah pia a, tua hai panin a dawnkim uh hi. Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Tua ciangin Jesuh in amaute kiangah, “‘Tuucingpa ka satlum ding a, tuute a kithehthang ding hi,’ ci-in Lai Siangtho sungah a kigelh mah bangin note in kei nong taisan ding uh hi.

Tho un; pai ta ni. Kei hong lehhek pa hih lai-ah hong tungta hi,” a ci hi.

Jesuh in, “Tuzan mahmahin ak nihvei a khuan’ ma-in thumvei tak kei na hong nial ding lamtak phawk in,” a ci hi.