Popular Bible Verses from JOSHUA 1

Share

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah TOPA na Pasian nang tawh hong om hi,” a ci hi.

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sunlezanin na lungngaingai ding hi. Tua hileh na maa vang ding a, na nasep tangtung ding hi.

Thahatin hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuhah hoihtakin na lamzan’ theih nadingin tuate khat zong pelh kei in.

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei ding a, kong nusia kei ding hi.

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Moses tungah ka ciamsa bangin na khe in a totna mun khempeuh nang tungah kong pia hi.

“Ka nasempa Moses si ta ahih ciangin tu-in ding inla, nang le hih mite khempeuh, hih Jordan kantanin Israel mite tungah ka piak gam sungah pai un.

TOPA’ nasem Moses a sih khit ciangin TOPA in Moses’ nasem, Nun tapa Joshua kiangah

Sehnel gam le hih Lebanon panin gun lianpi Eufratis gun dong, ni a tumna lama Tuipi Lian lam, Hit mite’ leitang khempeuh nangma gam hi ding hi.

Na thupiakna le na thute, na thupiak peuhpeuh hong langpangin a mang lo mipa kithat ding hi. Thahat inla hang in,” a ci uh hi.

“Giahphual ah pai unla, mite thu pia-in, ‘Na lam-an ding uh kigingkhol un; bang hang hiam cih leh TOPA na Pasian un na neih dingun note hong piak leitangah pai-in a luah dingin ni thum sungin hih Jordan a galkah ding na hi uh hi,’ ci un,” a ci hi.