Popular Bible Verses from THUKHENTE 16

Share

Tua nu in, “Filistia mite in nang hong hih, Samson!” a ci hi. A ihmutna panin amah khanglo-in, “Nidanga mah bangin paikhia-in keimah kisingin suakta ning,” a ci hi. TOPA in amah a nusiat khitlam amah in thei lo hi.

Tua ciangin Samson in TOPA samin, “TOPA Pasian aw, kei hong phawk in, kong thum hi. Tu-a ka mittang nihte’ tang dingin Filistia mite ka thuktheih nadingin hong thahatsak in, tu-a bek kong thum hi,” a ci hi.

Amah in tua nu kiangah a lungsim khempeuh gen a, “Ka lu tungah mulkiatna kitah ngei lo hi; bang hang hiam cih leh ka suah tung a kipan Pasian’ tungah a kipia Nazir mi ka hi hi. Ka sam kimet leh ka hatna in kei hong nusia ding a, ka tha nem ding a, midang mah ka bang ding hi,” a ci hi.

Nisimin nakpitakin a kutkut ciangin, sihna dong dingin Samson lunggim hi.

Samson in, “Filistia mite tawh hong sisak in,” a ci hi. Tua ciangin a thaneih khempeuh tawh a awng hi. Tua ciangin uliante le inn sunga om mi khempeuh tungah a innpi kicimsuk hi. Tua ahih ciangin a nuntak lai-a a thah sangin a sihna-a a thah a si mi tamzaw hi.