Popular Bible Verses from JAMES 3

Share

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Note lakah pilin thuthei a kisa a om leh kiniamkhiatin pilin, nuntak hoih le gamtat hoih tawh a lahkhiat ding ahi hi.

Kilemna a piangsak mite in lungnuam takin a tuh khaici in hoihna le dikna a piangsak hi.

Enna le huaihamna a om nakleh buaina le siatna nam khempeuh tawh kizom pahpah hi.

I leii tawh eite’ pa ahi Topa i phat thei a, Pasian tawh a kisunin a kibawl i mipihte zong tua i leii mah tawh i samsia thei hi. Kam khat sung panin thupha le thusia pusuak khawm hi. Sanggamte aw, hih bang ahi ding hi het lo hi.

Leii pen mei tawh kibang hi. I pumpi na sung panin a neuno khat hinapi-in i pumpi buppi a sia suahthei a, hell khuk sung panin a hong piang mei tawh i nuntakna buppi hong kangtumsak thei hi.

Ahi zongin siattheih nading gukhal tawh a kidim, a omkhong thei lo leii pen zualsakin a ukzo kuamah om lo hi.

Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.