Popular Bible Verses from GALATI 5

Share

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna, dikna le pumpi ki-ukzawhna hi a, hih bangin a gamta mite, Thukham in bangmah cih thei lo hi.

Note kiangah ka hong gen thu in: Kha Siangtho’ hong sawlna bangin gamta unla, na pumpi uh utna bangin gamta kei un.

Kha Siangtho in eite hong nungtasak khinta ahih manin ama hong sawlna bangin eite a nungta ding ihi hi.

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Tu-in mihing pianzia hong kitel a, tuate pen: Numei tawh mawhna, thangtatna, lanluat mana khialhna, milim biakna, mi bumna, kilangbawlna, kitotna, hazatna, hehna, huaihamna, kikhenna, pawltuam lungsim neihna, enna, zukhamna le biakna pawi-ah zukhamna a kipan adangdangte ahi hi. A beisa hunah ka hong hilhkholhsa bangin tu-in ka hong genkikin-ah: Hih bangin a gamta mite pen Pasian’ Ukna sungah omkha het lo ding hi.

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

Bang hang hiam cih leh ei’ pumpi ut bangin gamta lehang Kha Siangtho’ deihna tawh na kituak lo a, Kha Siangtho’ deihna bangin gamta lehang ei’ pumpi deihna tawh na kituak lo zel ahih manin hih nih tegel a kilangpang niloh na hi a, note’ ut bangin a gamta thei lo na hi uh hi.

Bang hang hiam cih leh Thukham khempeuh thu khatin kigawm thei a, “Nangmah na ki-it bangin na vengte na it in,” cihna tawh kitomlak thei hi.

Kuamah kiphasak loin, khatlekhat kiphin loin, kuamah i kihaza kei ding hi.

Khrih in eite hong khahkhiat khitna hangin mi suaktate hi khinta ihih manin tua suahtakna thu-ah kipin om unla, sila va suakkik nawn kei un.