Popular Bible Verses from THUHILHNA 9

Share

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Hih leitungah ka phawk dang thu khat in: A taihat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Pasian in hih leitungah nang a hong piak, tomkha sung na nuntak laiteng, na it na zi tawh a nuam theithei-in om in. Leitung lungkhamna sungah na lawhtak, tua bek mah hi kha ding hi.

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Galhiamte sangin pilna hoihzaw a, ahi zongin khialhna khat in a hoih tampi susia thei hi.

Mihai hon lakah gam ukpa in thu a gen lualua sangin mipil pa in damtakin a gen hiathiat ngaihhuai zaw hi.

A hing laite in a si ding ahihlam uh thei a, a sisate in bangmah thei nawn lo uh hi. A sisate in thaman bangmah nei nawn lo uh a, amaute kiphawkkha nawn lo hi.