Popular Bible Verses from THU HILHKIKNA 28

Share

“Note in TOPA na Pasian uh thu mangin, tuni-a kong gen ama thupiakna khempeuh limtakin na zuih uhleh TOPA na Pasian un leitung minam dangte khempeuh sangin a lianzaw-in note hong bawl ding hi.

TOPA na Pasian uh thu na man’ uhleh hih thuphate khempeuh note tungah hong tung ding hi.

Note in tuni-a kong thugente limtakin zuihna tawh TOPA na Pasian uh thupiaknate mangin, tuni-a no kong thupiakna kammalte panin, pasian dangte’ na semin a bia dingin na pial kei nak-uhleh, TOPA in a makai-in note hong bawl ding a, mi’ nung zui-in hong bawl lo ding hi. Tunglam bekah na kah ding uh a, na nuaikiat ngei kei ding uh hi.

Note’ leitangah ama hunin guah a zusak ding le na sepna khempeuh uh thupha a pia dingin TOPA in a na hoih kholna vantung note hong hon ding hi. Note in minam tampite tungah leitawi na pia ding uh a, ahih hangin note in leitawi na la kei ding uh hi.

“TOPA in, note’ langah hong pang na galte uh na mai uhah lelhna thuaksak ding hi. Amaute lampi khat tawnin hong kuan ding uh a, note’ mai panin lam sagih tawnin taikeek ding uh hi.

“TOPA in note’ ansal tung le na hihna khempeuh uhah thupha hong puak ding hi. TOPA na Pasian un note hong piakna leitangah amah in note tungah thupha hong pia ding hi.

“Na sepna khempeuh uhah thupha na ngah ding uh hi.

“Khuapi sungah thupha ngah mi na hi ding uh a, lote-ah zong thupha ngah mi mah na hi ding uh hi.

“Note’ sung pana piangte, le na leitang uh pana piangte, le na ganhing uh pana piang, na bawngte uh pungin na tuuhonte uh tungah thupha om ding hi.

“Note in TOPA na Pasian uh hong thupiaknate zui-in ama lampi na tot uhleh amah in note tungah hong ciamsa bangin ama a dingin a siangtho mi dingin TOPA in note hong kipsak ding hi.

“Na seengte uh le na annel mekna kuangte uhah thupha om ding hi.

Note piak dingin na pu na pate uh tungah TOPA in a ciamsa gam sungah note’ sung pana piangte, na gan khawi pan uha piangte, le na leitang pan uha piangte-ah TOPA in note nakpitakin hong hausak ding hi.

TOPA in note hong sapna thu midang khempeuh in thei ding uh a, amaute in note hong kihta ding uh hi.

Note in tuni-a kong thugente limtakin zuihna tawh TOPA na Pasian uh thupiaknate mangin, tuni-a no kong thupiakna kammalte panin, pasian dangte’ na semin a bia dingin na pial kei nak-uhleh, TOPA in a makai-in note hong bawl ding a, mi’ nung zui-in hong bawl lo ding hi. Tunglam bekah na kah ding uh a, na nuaikiat ngei kei ding uh hi.

“Ahih hangin note in TOPA na Pasian uh thu mang loin, tuni-a kong gen ama thupiaknate le ama thukhamte khempeuh limtakin na zuih kei uhleh, hih samsiatna khempeuh note tungah hong tung ding a, note hong ban ding hi.