Popular Bible Verses from 2 TIMOTI NIHNA 1

Share

Bang hang hiam cih leh Pasian in eite tungah meidawina lungsim hong guan lo a, thahatna, ki-itna, pumpi ki-ukzawhna lungsim hong guan hizaw hi.

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

Tua ahih manin i Topa’ thu gen nading thu-ah ahi a, ama thu hangin thong a kia keima thu-ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna-ah zong a thuaknuam hizaw in.

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.