Popular Bible Verses from 2 KUMPI NIHNATE 2

Share

Amaute a galkah khit uh ciangin Elijah in Elisha kiangah, “Nang kiang panin kei hong kilak khiat ma-in nang a dingin kong hihsak ding na deih hong gen in,” a ci hi. Tua ciangin Elisha in, “Kong thum hi, kha thu-ah na vangliatna a zah nih hong luahsak in,” a ci hi.

Tua ciangin amaute a pai kawmkawm a kiho laitakun, mei leeng khat le mei sakolte in amaute nih a khen hi. Tua ciangin vantungah Elijah pingpei-in paito hi.

Tua ciangin amah in, “A haksa na khat nong ngen hi. Ahi zongin nangma kiang panin kei hong kilak laitakin kei nong muh leh nang a dingin tua thu hong piang ding hi. Ahih hangin kei nong muh kei leh tua bangin hong piang lo ding hi,” a ci hi.

Tua ciangin amah in ama tung panin a kiakhia Elijah’ puan la-in tui sat a, “Elijah’ Pasian, TOPA koi-ah om na hi hiam?” a ci hi. Amah in tui a sat khit ciangin a pang khat le a pang langkhatah a tui kikhen hi. Tua ciangin Elisha pai-in a galkah hi.

Tua ciangin Elisha in tua mu-in amah kiko a, “Ka pa, ka pa! Israel mite a hupipa! Nang pai ta maw!” a ci hi. Tua ciangin amah in Elijah mu nawn lo hi. Tua ciangin Elisha in a dah manin a puan balkekin phel nih a suak hi.

Tua ciangin Elijah in a puantualpi suahin zial a, tua tawh a tui sat hi. Lei keu tungah amau tegel a pai theih matengun a pang khat le a pang langkhatah a tui kikhen hi.

TOPA in pingpei-in vantungah Elijah a lak ding lai-in Elijah le Elisha-te Gilgal panin inn zuanin lamkal a om ahi uh hi.