Popular Bible Verses from 2 KHANG TANGTHU NIHNATE 20

Share

Tua ciangin amah in, “Judah gam khempeuh le Jerusalem-a teng khempeuh, le Kumpi Jehoshafat aw, ngai un. TOPA in hih bangin note’ tungah hong gen hi: ‘Kihta kei unla, hih a tam mi honpi hangin lungkia kei un; bang hang hiam cih leh galdona pen note a’ hi loin Pasian-a’ ahi hi.

Note in hih kidona-ah na do ding uh kisam lo hi. Judah gam mite le Jerusalem khuamite aw, na panmun uh la-in taang loin ding unla, note’ tangin TOPA’ gualzawhna mu un,’ ci hi. Kihta kei unla, lungkia kei un. Zing ciangin amaute a do-in pai un. TOPA in note hong ompih ding hi,” a ci hi.

Kote’ Pasian aw, amaute tungah thu khen lo ding na hi hiam? Bang hang hiam cih leh kote a sim dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Amah in mite tawh thu kikupna a neih khit ciangin, galkapte mai-ah amaute a paikawmin, “TOPA tungah lungdamna ko un; bang hang hiam cih leh ama itna kip tawntung hi,” ci-in biakna puan silhin TOPA tungah la sa-in amah a phat dingte a seh hi.

Amaute inla sa-in phat ding a kipat uh ciangin, Judah mite a sim dingin a hong pai Ammon mite, Moab mite, le Seir Mual gam mite a pangsim ding TOPA in koih a, amaute kizo hi.

Tua ciangin Jehoshafat lau a, amahmah in TOPA’ lamlahna ding zong a, Judah gam khempeuhah an tan’ ding thu a zasak hi.

‘Eite tungah siatna, namsau, thukhenna, ahih kei leh natna, ahih kei leh kialpi hong tun leh, hih biakinn sungah ama min om ahih manin hih biakinn mai-ah dingin i gimna hunah ama tungah i kiko ding a, amah in hong za-in hong hon ding hi,’ ci uh hi.

Zing ciangin amaute a do-in paisuk un. Ziz kahtohna lampi tawnin amaute hong kuanto ding uh a, Jeruel gamlak nisuahna lam kuam mongah amaute na mu ding uh hi.

Tua ciangin TOPA’ tung pan huhna a ngen dingin Judah mite hong kikhawm uh hi. Judah khuapi khempeuh panin TOPA thu a dong dingin amaute hong pai uh hi.