Popular Bible Verses from 1 KUMPI MASATE 3

Share

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasempa hong pia in. Bang hang hiam cih leh hih a lian a tam na mite kua in ukzo ding ahi hiam?” a ci hi.

en in, nangma hong ngetna bangin kong pia ding hi. En in, nangma hun ma-in nang tawh a kibang a om loh nading le nangma khitah zong nang tawh a kibang hong khan loh nadingin pilna le theihna lungsim kong pia ding hi.

Pasian in ama kiangah, “Nangmah in hih thu hong ngenin, nangma a dingin khansauna ahi a, hauhna ahi a, na galte thahzawh nading ahi zongin hong ngen loin, a man thu na theih nadingin nang a dingin thu theihtelna hong ngen na hih manin

Nangma hunsung tawntung kumpi dang nang tawh a kiteh theih lohna dingin nangma hong nget loh hauhna le pahtawina zong nang kong pia ding hi.

Na pa David in a tot bangin nangmah in ka lampite tawnin, ka thukhamte le ka thupiaknate na zuih nakleh na khan ka sausak ding hi,” a ci hi.

Gibeon-ah zanin mang sungah Solomon’ tungah TOPA kilang hi. Pasian in, “Nang kong piak ding hong ngen in,” a ci hi.

Tu-in, TOPA ka Pasian aw, kei pen naupangno khat hinapi-in ka pa David’ munah kumpi-in na nasempa nong koih hi. Bangci gamtatin bangci nasep ding cih ka theih khat zong om lo hi.

Solomon’ thungetna in TOPA lungkimsak hi.

Solomon in, “Na nasem ka pa David’ tungah a lian itna kip na lak hi. Bang hang hiam cih leh cihtakna, thumanna tawh nangma mai-ah gamta-in, nangma tungah lungsim thutang hi. Nangmah in ama a dingin hih a lian itna kip koihsakin, tuni-in ama tokhom tungah a tu ding tapa khat na pia hi.

A lian, a phazah a kisim zo lo, a tamna a kiseh thei lo, nangmah in na teelsa na mite lakah na nasempa om hi.