Popular Bible Verses from 1 KORIN MASA 15

Share

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Ahi zongin i Topa Jesuh Khrih hangin gualzawhna a hong pia Pasian tungah i lung a dam hi.

Sanggamte aw, mi’ khemsa-in ta kei un. Kikholhpih hoih lote in mi siasak thei hi.

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

Sihna aw, na gualzawhna koi-ah om a, midangte na suksiat zawh nading na thahatna koi-ah omta ahi hiam?” na ci hi. Sihna a pianna mawhna hang hi a, mawhna a kitheihna Thukham hang ahi hi.

Kuamah kim in a theih loh thusim khat na ngai un. Eite khempeuh a si khin ding ihi kei a, thakhatthu-in a kikhelvat ding ihi hi. Peengkul nunung hong gin’ ciangin mitphiat kikal sungin i kikhelpak ding hi. Bang hang hiam cih leh peengkul hong gin’ ciangin misite a sithei nawn lo dingin hong tho ding a, i vekpi-in i kikheel ding hi.

Bang hang hiam cih leh mi khat hangin sihna a om mah bangin mi khat hang mahin misite zong hinkikna om hi. Bang hang hiam cih leh Adam tawh a kizop manin mi khempeuh si a, tua mah bangin Khrih tawh a kizom khempeuh zong kihingkiksak ding hi.

A muatthei pumpi pen a muat thei lo pumpi-in hong kikheel ding a, a sithei pumpi pen a sithei lo pumpi-in hong kikheel ding hi.

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi. A tawpna-ah suksiat ding a gal nunung pen in sihna ahi hi.