Popular Bible Verses from 1 KORIN MASA 13

Share

Itna neite a lungduai-in migi hi. Itna neite in hazatna lungsim nei loin, zong kisathei lo hi. Itna neite a kilawm loin gamta lo, heh pakpak lo, mite’ mawhna ciamteh lo hi.

Itna neite lungkia cih om ngei lo hi; a upna, a lametna, lungduai takin a ngaknate uh a mawkna cih om ngei lo hi.

Thuman lote-ah lungdam ngei lo uh a, thumante bekah lungdam uh hi.

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pautheih siamnate a om hangin bei ding a, thutheih siamna a om hangin maimang ding hi.

Keimah in mihingte pau a tuamtuamte le vantung mite’ pau nangawn ka pautheih hangin itna ka neih kei leh a bil-aphuai zam le daltuah kitum tawh a kibang lel ka hi hi.

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi.

Naupang ka hih hun lai-in naupang mah bangin kampau-in, thu ngaihsunin, ka gamta hi. Ahi zongin tu-in khangham ka hih manin naupang vaite ka zang nawn kei hi.