Popular Bible Verses from 1 KHANG TANGTHU MASATE 16

Share

TOPA le ama hatna zong unla, ama ompihna zong den un!

Amah hoih ahih manin TOPA’ tungah lungdamna ko un; bang hang hiam cih leh ama itna kip a tawntungin a kho hi!

TOPA’ tungah lungdamna ko-in, ama min lo unla, ama septe khempeuh mite’ lakah kitheisak un!

Ama min siangtho hangin nuamin diang unla, TOPA a zong mite khempeuh lungdam ta uh hen!

A lamdang a nasepte phawk unla, a lamdang ama genkhiat a thukhennate phawk un

Amah la sak un. Phatna la amah sak unla, a lamdang a septe khempeuh mite tungah gen un!

Bang hang hiam cih leh TOPA lian mahmah a, nakpitakin phat ding ahi hi; pasian khempeuh sangin lamdang sakzawk ding ahi hi.

Amah in a ngah ding a kilawm minthanna TOPA’ tungah pia un. Biakna puak unla, ama mai-ah pai un! Biakna puan silhin TOPA bia un.

Pahtawina le minliatna in amah umcih a, thahatna le lungdamna in amah kimkot hi.

Leitung mi khempeuh aw, TOPA la sak un! A ni ni-in ama hotkhiatna thu gengen un.

Minam dangte lakah ama minthanna genkhia unla, a lamdang ama septe mi khempeuh lakah gen un!

“Ka sathau nilhte lawng kei unla, ka kamsangte tungah siatna hih kei un!” ci hi.

Bang hang hiam cih leh minam dangte’ pasian-te milim hi lel a, ahih hangin TOPA ahihleh vantungte a bawlpa ahi hi.

Amah in a thuciamna phawk tawntung hi. Khang tul khat-a dingin a thupiakna kammal

Vantung kipak hen la, leitung lungdam ta hen; minam khempeuhte lakah, “TOPA maang hi!” amaute in ci ta uh hen.

Israel Pasian, TOPA in thupha ngah ta hen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in TOPA a phat uh hi.

Leitung mi khempeuh aw, TOPA theitel unla, TOPA’ minthanna le a thahatna theitel un!