Popular Bible Verses from Galad 2

Share

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Ɗarwa di Kumu lee danaŋ le, ɨŋ aya laan̰ hɨnga ga kalɨn̰ wo̰ dugo naŋ. Hɨn̰ gɨ naa dan̰ gɨyəŋ gɨ da gasɨn̰-kɔl, ma ungo na kɨya bɨlɨn̰ ungo gɨ da durɔ ɗɨngar tumoy Kumu na, Kɨris ma na tɨma di kalɨn̰ wo̰.

Ni-gandi gusɨni kalɨn̰ ma, ni na te wɔɔ gɨ da Jubɨ cən̰ wala ni na a te wɔɔ gɨ da kalaŋ ga sɨlage gasɨn̰-kɔl gɨ da Kumu naŋ, ga na kalaŋ ga toyge na Jubɨ naŋ, le naŋ. Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.