Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge, ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris, kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ. Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.