Popular Bible Verses from 2 Korɛ̰t 4

Share

Na hɨnga ga ungo sol dan̰ cɨndi ma mani ɗa cɨndɨni cay nee naŋ. Ama ni ɗe cɨndɨni na cay hɨnga ga ungo ɓala sɔlɛ dan̰ cɨndi naŋ. Kɨya wa hɨnga ga ungo sol dan̰ cɨndi le, na hɨnga ga kardɨge kɨya sɨngɨɗɨwa naŋ. Ama hɨnga ga ungo ɓala sɔlɛ dan̰ cɨndi naŋ le, na hɨnga ga kɨya wɔyɛ dan̰ tumoyge.

Na toy di hɨn̰ wo̰ ma, ni ɗa gusɨni marani naŋ. Na cɨndi, kuyoŋdi-gusɨna togii na duroŋ dḛ dḛ kalɨn̰ ma, sɔmɛ-bɨra gɨ hɨrɨwa woy te sɔ cay mɨngay gɨŋ dan̰ wɔlɛ pɨna pɨna. Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

Ni-gandi le jəŋgɨnige a kɨɗɨn̰ gaŋ nɔm, ama kan kɨya ƴomnige dugo naŋ. Ni-gandi le ni waa cay tɨbayni naŋ, ama ɗugoyni adɨldani naŋ. Kalaŋ gɨlnige-cɨn̰, ama Kumu ɗani coŋ naŋ. Laydɨnige, ama tɨɗabage kɨbɨni naŋ.

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.