1
फीलीप्पी 4:6
ल्होमी
LHM
घन्डे ढीक्ल अक् च्युगा मत् झ्यीज्यीत्। नम् घन्दुक् झ्यीब झ्युङ्न अक्, खीत्रङ्ल घङ् गो़बे खोज्येत् घयेक्की ढीक्ल को़न्ज्योक्ल ॱसुव तप्न थु छ्यी पुन स्युव ज्योप्च्यीत्।
Compare
Explore फीलीप्पी 4:6
2
फीलीप्पी 4:7
खीत्रङ्ल को़न्ज्योक्की ॱमीत् च्यीक्प ॱह दीरङ् घो ॱमीत् छुगेङ्गी ॱसीम् दीव ॱनङ्गेन् बेत्। हुनी हस्सो़त् ख्रीष्ट् येशुदङ् खीत्रङ् मत् ढेबल यो़क्कीन् यो़क्कीर्रङ् खीत्रङ्गी ॱसीम् धङ् ॱसम्ल दी हुगी छ्योप्केन् बेत्।
Explore फीलीप्पी 4:7
3
फीलीप्पी 4:8
ह स्युक् थदु पी़न्ज्यासो, दीम्बे ढङ्, छ्यप्स्यक् च्येम्मे ढङ्, ढङ्बी़ ढे, चङ्मे ढङ्, पम्बो़त्मे ढङ्, ढक्पागी ढङ्, गागी ढङ् धङ् तो़त् ओ़बे ढङ् हीन्दुक् झ्यीबे ॱवङ्ल ॱसीम्ब तोङ्ज्यीत्।
Explore फीलीप्पी 4:8
4
फीलीप्पी 4:13
घन्ड झ्युङ्न अक्, हुल ख्रीष्ट्की ॱनङे ॱस्यीक्की ङे हुगो ॱअल छयेत्।
Explore फीलीप्पी 4:13
5
फीलीप्पी 4:4
चोव ज्यीन्दक्तङ् मत् ढेब यो़प्पल खीत्रङ् ज्यी़न्दु गव झ्यीज्यीत्। हरुङ्द यङ् फीच्च्य सीक्केनो। गव झ्यीज्यीत्।
Explore फीलीप्पी 4:4
6
फीलीप्पी 4:19
खीत्रङ्ल गो़ब तोक्प घन्ड युङ्गो़दङ् हुगो ख्रीष्ट् येशुगी लम्नी ङे को़न्ज्योक्की खोङ् रोरङ्गी तो़प्प च्येम्मे नोर्की भङ्जेत्नी खीत्रङ्ल ॱनङ्गेन् बेत्।
Explore फीलीप्पी 4:19
7
फीलीप्पी 4:9
हीगी ढीक्ल खीत्रङ्ल ङे घङ् ॱस्येप्प घयेत् धङ् ङे मीजीनी खीत्रङ्गी घङ् ॱस्यीब घयेत् दी झ्यीज्यीत्। हुनी स्यीव दीव ॱनङ्गेङ्गी को़न्ज्योक् खीत्रङ्दङ् दल स्युगेन् बेत्।
Explore फीलीप्पी 4:9
8
फीलीप्पी 4:5
खीत्रङ्ल यो़प्पे गस्सीम् दी मी कुरीक्की ॱह घोज्ये यो़प्पल गये ढङ् झ्यीज्यीत्। घन्ड हीन् सीन्न चोव ज्यीन्दक् झ्यो़म्बे धी़ ॱस्यच्चन ॱलीत् छर बेत्।
Explore फीलीप्पी 4:5
9
फीलीप्पी 4:12
मङा यो़प्पे कप्ल धङ् नुङा यो़प्पे कप्ल युङे लेमु ङल ॱस्यो़च्च्ये यो़त्। डङे यङ्ल, तोब कोम्बे यङ्ल, मङा झ्युङ्, नुङा झ्युङ्, गदुक् आक्तुक् घन्ड झ्युङ्न अक्, हुल ॱलो दीय झ्यीन दो़त् छुबे धो़न् ङे ॱस्यीन यो़त्।
Explore फीलीप्पी 4:12
10
फीलीप्पी 4:11
ॱनी हीगो म दी ङल गो़गुक् सीन्न ढीब मेन्। घन्ड हीन् सीन्न ङल घजो़त् झ्युङ्न अक्, हुल ङे ॱलो दीय झ्यीन दो़त् ॱस्यीज्युङ्।
Explore फीलीप्पी 4:11