Popular Bible Verses from फीलीप्‍पी 1

Share

खीत्‍रङ्‌गी ॱसीम्‍ल गोमनी को़न्‍ज्‍योक्‍की जेप्‍पे गागी ले दी ख्रीष्‍ट् येशु झ्‍यो़न् झ्‍यो़ल्‍ले एल्‍ला को़न्‍ज्‍योक्‍की डुप्‍केन् बेत्। हील ङ देङ् खीन यो़त्।

खीत्‍रङ् नङ्‌जोल यो़प्‍पे झ्‍यम्‍ब दी ज्‍यीक्‍तु, ॱनी धो़न् दी गदु ॱह घोज्‍ये यो़प्‍प धङ् गवक् ॱयुव पीक्‍लु दी गदु ॱस्‍यीज्‍ये यो़प्‍पे ढीक्‍ल ङे ॱसुव तोप्‍को़त्। हुगो डुप्‍न, हस्‍सो़त् खीत्‍रङ्‌गी गस्‍स्‍यो दी घङ्‌गो बेक्‍क हुगो ॱयुव पीक् छुगेन् बेत्। हुनी क ख्रीष्‍ट् झ्‍यो़म्‍बे ङीन् थुक्‍ल खीत्‍रङ् ॱसीम् चङ्‌म नक्‍चक् मीप्‍प दो़त् छुगेन् बेत्।

ङ ॱसोम्‍बु देत्‍न ॱनी, हीगो ख्रीष्‍ट्‌की ढीक्‍ल युङ्‌गो़त्। ॱनी यङ् ॱस्‍यीन ॱनी, ङल गस्‍स्‍यो दी हुगो युङ्‌गो़त्।

ङल खीत्‍रङ् ढेन्‍सो़ युङ्‌देन् रीदङ् ङे को़न्‍ज्‍योक्‍ल थु छ्‌यी पु पुब झ्‍यीक्‍को़त्।

ॱनी घन्‍ड झ्‍युङ्‌ज्‍यङ्, खीत्‍रङ्‌गी मीजीगी छ्‌यलु दी ख्रीष्‍ट्‌की केच्‍च्‍य ॱनेम्‍बुल ओ़ब युङ झ्‍यीज्‍यीत्। म दी ङ खीत्‍रङ्‌दङ् ठेत्‍न आक्, ॱमत् ठेत्‍न आक्, खीत्‍रङ् घयेत् ॱसीम् च्‍यीक् ली़ च्‍यीक् झ्‍यीन छ्‌य स्‍यक्‍पे लम्‍ल डोवल ढो़गो च्‍यीक्‍ल देत्‍न

ङ ॱस्‍यीन आक्, ॱसो़न आक्, ॱङच्‍च्‍यी़न् तबु ङल हुन्‍दो ओक् ज्‍यीक्‍टक् मीत्। ङल तीङ्‌ला आक् ङु छ गोगेङ्‌गी ले घन्‍ड अक् मीत् युङ, ङे मीजीनी ख्रीष्‍ट्‌ल तो़प्‍प युङे देङ्‌जो़त् यो़त्।

घन्‍ड हीन् सीन्‍न को़न्‍ज्‍योक्‍की ॱनङ्‌ज्‍येत् खीत्‍रङ्‌गी ख्रीष्‍ट्‌ल छ्‌य स्‍यक्‍प दी छ्‌युवक्‍की ॱमीत् छेप्‍प, खोङ्‌गी ढीक्‍ल नोङ्‌गेङ्‌गी दुक्‍प हुगो ओक् ॱनङ्‌ज्‍येत्‍रङ् बेत्।