कोलीमीगी ॱसीम्बे रङ्ज्यी़गी धेत्मो़गी हीन्दुक् झ्यीबे ले घयेत् दी कुरीक्ल ॱस्यो़च्च्ये यो़क्केन् बेत्। छ्ये ज्युक्केन्, ॱमत् चङागी ढङ् झ्यीक्केन्, छ्येल ॱनक्सी झ्यीक्केन्, ॱल्ह धङ् कुल छ्यक् छ्यो़प्प पुगेन्, जुम्डी़ तो़ङ्गेन्, ड झ्यीक्केन्, थक्मु ज्यक्केन्, ठदोक् झ्यीक्केन्, खोङ्डोक् झ्यीक्केन्, रङ्ज्यी़ झ्यीक्केन्, ॱमीत् छुङ्गेन्, रङ् रङ् ॱसोस्सो भीगेन्, सीगुक् झ्यीक्केन्, च्युक्कोङ धङ् छ्यङ्दुङ् तोमुल जोम्न ॱमम्बी ॱलोङ्गेन् हुन्दुक् झ्यीबे ढङ् ॱयोङ्म आक् युङ्गेन् बेत्। ङे एल्ला आक् ॱस्येप्पेन्। ॱनी हुन्दो ओक् ॱस्यो़क्को़त्। हुन्दुक् झ्यीक्केङ्गी मील को़न्ज्योक्की ज्यागक्की फक् ॱमीत् थोप्केन् बेत्।