1
गलाती 3:13
ल्होमी
LHM
ॱनी हुगी क घयेत् हुल ची ॱमत् छुबल हज्यरङ्ल फोक्केङ्गी छ्येप्प दी ख्रीष्ट्की खुर्न हज्यरङ् हुगी लक्नी ॱली़ब बेत्। हीगी ढीक्ल ॱसुङ्रप्ल ॱस्यीङ्ल ॱनम्ल ता स्यक्पे मील को़न्ज्योक्की छ्येप्प फोक्नर बेत् सीर यो़क्केन् बेत्।
Compare
Explore गलाती 3:13
2
गलाती 3:28
ॱनी ख्रीष्ट्तङ् मत् ढेबे मी खीत्रङ् यहुदी हीन्, ज्यी़त् ॱयोङ्गी मी हीन्, रङ्मो़ मीप्पे ॱयोक्पु हीन्, रङ्मो़ च्येम्मे मी हीन्, छ्योगो हीन्, भुमु हीन्, खीत्रङ् ॱसुरङ् हीन्न अक्, हुल को़न्ज्योक्की च्यीक् हीम्ब ॱसम्गेन् बेत्।
Explore गलाती 3:28
3
गलाती 3:29
ॱनी खीत्रङ् ख्रीष्ट् ङो़गी मी झ्यीनी, हुगी लम्नी खीत्रङ् अब्राहाम्गी ज्यी़त् हीम्बल डोगेन् बेत्। हुगो झ्यीनी अब्राहाम्गी ज्यी़क्की ढीक्ल अब्राहाम्ल ॱनङे छ्यो़त्तुम् दी खीत्रङ्ल थोप्केन् बेत्।
Explore गलाती 3:29
4
गलाती 3:14
ख्रीष्ट् येशुगी हज्यरङ् ॱली़बे धो़न् दी को़न्ज्योक्की अब्राहाम्ल ॱनङे ॱमेल्लम् दी ज्यी़त् ॱयोङ् ॱयोङ्गी मी घयेत्ल अक् थीप्च्ये यो़प्पल धङ् धम्बे थु ॱनङे छ्यो़त्तुम् जेप्प दी छ्य स्यक्पे लम्नी हज्यरङ्ल थोप्च्ये यो़प्पल बेत्।
Explore गलाती 3:14
5
गलाती 3:11
हीगो झ्यीनी छ्यो़डीम्गी कल चीन युङे लम्नी मी ॱसु उक् को़न्ज्योक्की थोङल ॱनम्बर् धक्पल ॱमीत् थो़म्ब हीम्ब हीनी धक्पोक्म ॱह घोगेन् बेत्। हीगी ढीक्ल ॱसुङ्रप्ल हीन्दुक् सीर यो़क्केन् बेत्। छ्य स्यक्पे लम्नी ॱनम्बर् धक्पल थो़म्बे मी दी को़न्ज्योक् ङो़ल ॱसोम्बु युङ्गेन् बेत्।
Explore गलाती 3:11