Popular Bible Verses from MUV̄ENULIO 3

Share

Tsami, nisuhima mulongoju, nisurema hodi. Neka mutru asukia ji langu aɓua umulongo, nitsongia hahe, nitsoɗya v̄umoja na waye, tsena waye na wami.

Nisujua zitrendro zaho: kusi ɓaridi wala moro. Na djeli tu amba uka ɓaridi au moro! Ha izo, iv̄o ulio fumbu, kusi moro wala ɓaridi, nisujohurav̄iha ulawa hanyoni hangu.

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.

Nisujua zitrendro zaho. Tsini tsihetsi mbeli zaho mulongo waɓuha ulio amba kav̄u mutru ashindrao auɓale. Mana nguvu zaho shashi, ɓadi usiki urongozi wangu, wala kwahara lidzina langu.

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

Mana usurongoa amba: ‹Tsa tadjiri, tsitadjirishiha, tsisutama itsokao yotsi›, ɓila ujua amba iwawe yaho djondo, wa uv̄orehwa, masikini, mufa-matso, tsena wa wadzi.

Rangu wasika urongozi wangu amba usuɓiri, wami wajau nitsohusika wakati wa umudjereɓio utsojao hari mwa piya ishiv̄andre ya tsi iketsiwao, pare udjereɓu uwakazi wa ishiv̄andre ya tsi.

Nisuja tsi hale. Sika iyo ulionayo, ile v̄usuke ata mutru arenga ikemba yaho.

Ka hashiri! Tria ɓari wao walio kariɓu na ufa, mana tsapara zitrendro zaho amba za ndzikamilifu mbeli za Mungu wangu.