Popular Bible Verses from YAKOƁU 4

Share

Ɓasi namudzituĩse Mungu, mumukanyushe Iɓilisa, na waye atsomutralani.

Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.

Namudzishukidze mbeli za Mola, na waye atsomuhedzani.

Ɓadi asudjaãlia urehema wazidishiha iv̄o uMuangishio urongoao: «Mungu ukanyusha wao wadzionao, ɓadi waye udjaãlia urehema waekevu.»

Ɓasi uwo ajuao ndjema yalazimu afanye ne kasuifanya, v̄av̄o asuãswi.

Neka musufanya mamilio, kamusupara mana musumia nnayi, pare mujiv̄idze ngushauku zanyu.

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.

wakati ulio amba kamusujua uhayati wanyu namuna utsokao meso. Wanyu kuku liheao mara moja, lilawao.