Popular Bible Verses from MAEFESO 6

Share

Mana tsi kinyume na damu na nyama ɗe riwanao, ɓadi kinyume na zingutawalizi, ziyezi, zinguvu zashilidza zitawalao hari mwa ulemengu wa shidza unu, tsena kinyume na djeshi ɓovu la roho lilio mbinguni.

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

Namupindre piya zombo za kondro za Mungu, ile mushindre mukingiye yimipango ya Iɓilisa.

Ɓasi namurenge piya zombo za kondro za Mungu, ile mushindre mukingiye isuku mbovu iyo, amwesa ɓaanda itsokao amba muhisa ufanya piya, muhime wahodari.

Hali yotsi itsokao, namusike ikinga ya uaminifu ilio amba ha wiyo, mutsoshindra muzime piya mafumo ya moro ya uMovu|Movu. Namurenge tsena ikofia ya shuma ya uhuyifu, na upanga wa iRoho ulio ɗe Urongozi wa Mungu.

V̄av̄o namukaze, mufunge mukandra wa ukweli trengani, amwesa mupindre uhaki ike ngwezi ya shuma. Namufanye amba magoshi mindruni hanyu iãzima ya ujudza iIndjili ya iamani.

Ha umalidza, namuhodarishiwe hari mwa uv̄umoja wanyu na Raɓi, ha zinguvu zendza ushindzi zahe.

Mauri ɗe iheli yaangihwa: «Muhishimu ɓaɓaho na mayaho», na iyo ɗe iãmuri ya handra yaɗungwa na wahadi amba: «pare uke ha uzuri, tsena uẽshi wakati mwengi shiv̄andreju mwa tsi.»

Wanyu wana, namutuĩ wadzaɗe wanyu hari mwa uv̄umoja wanyu na Raɓi, mana iyo haki.