Popular Bible Verses from IPEKULU 32

Share

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

AMPEU no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae. Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

Kughou Aaron no ti ithulu keno pa no tipau zülo akümlla-khache mlave. Eno pa no asheshu no pi, “Thoghiu ye AMPEU lau aghulhu lakhi shinie.” Panongu no thanau itheno ithu akipti kümllagho mlla eno külakishi kümllagho süghi. Timiqo no chushoni ye iqa eno ithoizani ye puthughoe.

Thoghiu Moses no timiqo vilo pi, “Nongu ye axine kije shivae. Itehi I no AMPEU lau iqhoni; ishiake I no nongu xine pevetsü luvike.”